Afrona Dika dhe këngëtari Blero Muharremi, të cilët përjetuan një divorc të bujshëm disa vite më parë, u përballën për herë të parë në një podcast të drejtuar nga Afrona. Gjatë këtij takimi, ata diskutuan për arsyet që çuan në fundin e martesës së tyre dhe ndanë kërkesa faljeje për njëri-tjetrin.Rrëfimet e Bleros
Blero pranoi publikisht se ai ishte shkaku kryesor i divorcit. Ai shpjegoi se vendimet e tij të pamatura dhe kokëfortësia e tij ishin faktorët kryesorë që ndikuar në ndarjen e tyre. Një faktor tjetër ishte distanca mes tyre, pasi shumicën e kohës nuk jetonin bashkë.
"Arsyeja pse nuk na ka funksionuar dhe pse kemi ardhur këtu është pjesë shumë e madhe e imja, gabimi im. E kam pranuar publikisht. Dua të të kërkoj falje publikisht," tha Blero. Ai pranoi se ishte kokëfortësia e tij për të qëndruar në Kosovë dhe mosdëshira për të shkuar me Afronën në Zvicër që e përkeqësoi situatën.
Reflektimi i Afronës
Afrona gjithashtu pranoi gabimet e saj dhe rrëfeu se ndjente mllef dhe dëshpërim ndaj Bleros, që e shtynë atë të largohej pa sqaruar gjërat.
"Më është dashur shumë kohë për vetën për të kuptuar që ka përfunduar kjo martesë. Në distancë kemi qenë bashkë dhe në distancë jemi ndarë, nuk ka qenë e lehtë," tha ajo.
Akuzat dhe kërkesat për falje
Gjatë periudhës së ndarjes, Blero kishte bërë disa deklarata të ashpra ndaj Afronës, duke e quajtur materialiste dhe duke thënë se ajo ishte lidhur me të vetëm për famën dhe paratë. Në bisedën e tyre, ai i kërkoi falje Afronës për këto fjalë dhe pranoi se ajo nuk ishte ashtu siç e kishte përshkruar.
"Ndihem keq që nuk kam qenë shumë i drejtë me ty. Kam dhënë në intervistë që ka thënë disa gjera, kam pasur mllef, kanë qenë gjerat jo të drejta. Sinqerisht dua të të kërkoj shumë falje," tha Blero.
Afrona pranoi faljen dhe kërkoi falje gjithashtu për çdo gjë që mund të ketë bërë për ta lënduar Bleron, duke theksuar se në një ndarje nuk është vetëm një fajtor, por gjithmonë dy.
"E pranoj faljen! Të kërkoj edhe unë ty falje për çfarëdo gabimi kam bërë të kam lënduar, të ndihesh keq," tha ajo.
Mesazhi për të ardhmen
Në fund të bisedës së tyre të ndjerë, mes lotësh dhe emocionesh, Blero dha një mesazh për të gjithë meshkujt, duke theksuar rëndësinë e vlerësimit dhe respektimit të partneres.
"Vlerësoje atë që ke, respektoje dhe bëhu i drejtë," përfundoi këngëtari.
Ky podcast shërbeu si një moment i rëndësishëm reflektimi për dyshen dhe një shembull për të gjithë që të mësojnë nga gabimet e tyre dhe të rriten nga përvojat e kaluara.