Sot, një shpërthim me lëndë plasëse ka ndodhur në një lokal në fshatin Razëm të Malësisë së Madhe, por fatmirësisht nuk ka persona të lënduar. Shpërthimi ndodhi rreth orës 08:50 dhe lëndë plasëse u vendos pranë reklamës së lokalit të shtetasit F. S., duke shkaktuar vetëm dëme materiale.
Ngjarja vjen pas zgjedhjes së Ferdi Sterkajt më 19 maj si kryetar i rithemelimit të Partisë Demokratike në Malësi të Madhe, ku ai ishte kandidat i vetëm pas dorëheqjes së kandidatëve të tjerë. Policia ka bërë njoftimin e saj për ngjarjen dhe është duke hetuar rrethanat e shpërthimit.