Kryeministri Edi Rama ka pasur sot të ftuar në podcastin e tij dy zonja, Fatmira dhe Arjola, të cilat kanë hapur bujtina respektivisht në Gur të Bardhë në Mat dhe në Nivicë në malësinë e Labërisë. Rama diskutoi mbështetjen financiare për dhënien e kredive nga bankat për ngritjen e bujtinave, me shtetin që do të mbajë barrën kryesore. Ai gjithashtu preku problemin e legalizimit të tokave ku nuk është bërë ndarja e ligjit 7501, duke premtuar lehtësira në këtë drejtim. Fatmira shprehu nevojën për mbështetje shtetërore.
Rama theksoi rëndësinë e investimit në truallin e të parëve në male, duke e cilësuar si një bast të sigurt për të ardhmen. Ai pranoi se ky investim nuk është i lehtë, por shtoi se në fund të muajit, bilanci është më pozitiv, për të mos përmendur përmirësimet në shëndet. "E sigurt që do na përcillni ne në mes të Tiranës," tha Rama.
Etiketat/Kategoritë:
Politika