Armand Duka, presidenti i Federatës Shqiptare të Futbollit (FSHF) dhe zëvendës president i UEFA-s, ndodhet në Londër, në stadiumin Wembley, për të ndjekur finalen e Champions League mes Real Madrid dhe Borussia Dortmund. Në një intervistë për Sky Sports, Duka shprehu emocionet e tij për ndeshjen, duke e quajtur atë një nga festat më të bukura të futbollit që mund të përjetohet, veçanërisht para Kampionatit Evropian.
Në lidhje me rezultatin e ndeshjes, Duka vlerësoi përvojën e Real Madridit, por theksoi se Borussia Dortmund mund të jetë një kundërshtar i vështirë dhe ka potencialin të fitojë trofeun, duke kujtuar se surprizat janë të mundshme, siç ndodhi në finalen e vitit të kaluar.
Për sa i përket ndeshjes së grupit të Euro 2024 mes Shqipërisë dhe Italisë, Duka e quajti atë ndeshjen më të rëndësishme për Shqipërinë, duke nënvizuar marrëdhëniet e veçanta me Italinë dhe prania e madhe e tifozëve shqiptarë në Itali. Ai shprehu besimin se më shumë se gjysma e tifozëve në "Signal Iduna Park" do të jenë shqiptarë, duke e cilësuar këtë si një nga ndeshjet me më shumë kërkesa për bileta.
Në përfundim, Duka pranoi se Italia është një nga favoritët e Kampionatit Europian, duke e përshkruar atë si një ekip historik dhe kampion aktual, por ai shprehu shpresën që Shqipëria të festojë një rezultat pozitiv në Dortmund.
Etiketat/Kategoritë:
Sport