Sot në Mynih, Spanja dhe Franca përballen në gjysmëfinalet e EURO 2024, në atë që konsiderohet një tjetër finale e parakohshme e turneut.
Në këtë përballje vendoset skuadra që ka dhuruar lojën më të bukur gjatë këtij edicioni, përballë ekipit më cinik të turneut, i cili ka arritur deri në këtë pikë çuditërisht falë 2 autogolave, një penalltie në kohë të rregullt dhe një serie penalltish në çerekfinale.
Dy ideologjitë e ndryshme të futbollit do të përballen sot në Mynih, për të caktuar një finaliste, me shumëkënd që mendon se ky duel do të prodhojë edhe emrin e ekipit fitues të turneut.
Formacionet Zyrtare:
Spanja: Unai Simon; Hesus Navas, Naço, Laporte, Kukureja; Rodri, Fabian Ruiz; Lamin Jamal, Dani Olmo, Niko Uilliams; Morata.
Trajner: Luis De La Fuente
Franca: Menja; Kunde, Upamekano, Saliba, T. Hernandez; Kante, Tçuameni, Rabio; Dembele, Kolo Muani, Mbape.
Trajner: Didier Deshamp