Një incident dramatik ndodhi në lagjen St. Pauli (Shën Pauli) në Gjermani, ku policia neutralizoi një burrë që shfaqej kërcënues me një sëpatë dhe një koktej molotov. Pamjet video tregojnë burrin, me një çantë shpine, që lëvizte në një zonë ku po zhvillohej një marshim paqësor i tifozëve holandezë disa orë para ndeshjes së futbollit midis Holandës dhe Polonisë.
Policia fillimisht tentoi ta neutralizonte burrin me spraj piper, por ai vrapoi, duke shkaktuar panik mes kalimtarëve. Oficerët kaluan barrierat dhe e ndoqën atë, duke shtënë katër herë para se burri të binte në tokë. Sipas raportimeve nga agjencia gjermane e lajmeve dpa, burri u godit në këmbë pasi nuk pranoi të ulte sëpatën.
Incidenti ndodhi rreth orës 12:30 të mesditës me orën lokale, dhe pamjet e transmetuara nga mediat gjermane tregojnë personin e shtrirë në rrugë, i rrethuar nga mjekë dhe oficerë policie. Autoritetet besojnë se burri veproi i vetëm dhe aktualisht ai po merr trajtim mjekësor.
Disa foto nga incidenti:
